सरकारय् फोरमया नेतृत्व गच्छदारं याइगु

एमाले नेतृत्वया सरकारय् मधेशी जनअधिकार फोरम पाखें संसदीय दलया नेता विजयकुमार गच्छदारया नेतृत्वय् सरकारय् ब्वति काइगु जूगु दु ।

सरकार गठनय् समर्थन याःगु न्यागू दलया शुक्रवाः सुथय् च्वंगु बैठकय् फोरम संसदीय दलया निर्णययात मान्यता बीगु सहमति जूगु खः । फोरम संसदीय दलं नेता गच्छदारया नेतृत्वय् सरकारय् ब्वति कायेगु निर्णय याःगु खः ।

प्रधानमन्त्रीया निजी निवास कोटेश्वरय् कांग्रेस, एमाले, फोरम, तमलोपा व सद्भावनाया मंकाः बैठकं संसदीय दलया निर्णययात ग्वहालि यायेगु निर्णय याःगु खः । उगु निर्णय यात फोरम संसदीया दलया नेता गच्छदारं लसकुस यायेबह जूगु धाःगु दुसाः फोरम अध्यक्ष उपेन्द्र यादव पक्षं धाःसाः थुकीयात फोरमयात विभाजन यायेगु षड्यन्त्र जूगु धासें असहमति प्वंकूगु दु ।