न्हूदँया लसताय् प्रधानमन्त्रीपाखें भिंतुना कालबिल ज्याझ्वः
नेपाल संवत् ११३२ न्हूदँ, स्वन्ति, छठ व बकरईदया लसताय् प्रधानमन्त्री डा. बाबुराम भट्टराईं मंगलवाः भिंतुना कालबिल नापं तुच्चा ज्याझ्वः यानादिल ।
भिंतुना कालबिल यायेत प्रधानमन्त्री निवास बालुवाटारय् ग्वसाःग्वःगु उगु ज्याझ्वलय् उलेख्य मनूतय् ब्वति दुगु खः । उगु ज्याझ्वलय् राष्ट्रपति डा. रामवरण यादवं निसें देय्या थीथी थासं वःपिं सर्वसाधारण जनतातय् उपस्थिति दुगु खः ।
ज्याझ्वलय् माओवादी नायः पुष्पकमल दाहाल 'प्रचण्ड' एमाले नायः झलनाथ खनाल, पुलापिं प्रधानमन्त्रीत सूर्यबहादुर थापा व लोकेन्द्र बहादुर चन्द लगायत नेतातय् उपस्थिति दुगु खः । अथेहे व्यापारी, पत्रकार, कलाकार, कासा ख्यःया प्रतिनिधितय् नं आपालं ब्वति दुगु खः ।
ज्याझ्वःया छुं किपात :-
किपा : बिनोद परिहास महर्जन
