गणतन्त्र स्मारक निस्वनः
नेपालय् गणतन्त्रया घोषणा जूगु दच्छि क्यंगु लसताय् प्रधानमन्त्री माधवकुमार नेपालं शुक्रवाः सुथय् रत्नपार्कय् गणतन्त्र स्मारक निस्वनाः दीगु दु ।
दच्छि न्ह्यः थौया न्हि जेठ १५ गते संविधानसभाया न्हपांगु बैठकं अत्याधिक बहुमतया साथ गणतन्त्रया घोषणा याःगु खः । नेपाःया इतिहासय् निसः व पीदँ निसें राज यानाच्वंगु राजतन्त्रया दच्छि न्हयः विधिव्त रुपं अन्त्य जुया गणतन्त्रया पलिस्थ जूगु दच्छि क्यंगु लसताय् थौं रत्नपार्कय् गणतन्त्र स्मारक निस्वंगु खः ।
स्मारक निस्वनेगु झ्वलय् प्रधानमन्त्री नेपालं स्मारक नेपलाया उच्चस्तरया कलात्मक जुइगु धयादिल । थ्वस्वयां माओवादी नेतृत्वया सरकारं नारायणहिटी संग्रालय दुने गणतन्त्र स्मारण निस्वनेगु निर्णय याःगु खसां माधवकुमार नेपालया सरकारं देशी विदेशी सकस्यां मिखाः वनेमाः धकाः येँय्या केन्द्र रत्नपार्कय् गणतन्त्र स्मारक निस्वनेगु निर्णय याःगु खः ।
