न्हूदँया लसताय् राष्ट्रपति व प्रधानमन्त्रीया भिंतुना
नेपाल संवत् ११३२ न्हूदँया लसताय् राष्ट्रपति डा. रामवरण यादव व प्रधानमन्त्री डा. बाबुराम भट्टराईं भि्तुना बियादीगु दु । वय्कःपिंसं बिस्कं बिस्कं बियादीगु भिंतुनाय् नेपालय् शान्ति। प्रगति नापं एकताया मनंतुनादीगु दु ।
राष्ट्रपति यादवं थुगु न्हूदँय् शान्ति व प्रगति नापं फुक्कं नेपाःमित दथुइ सहिष्णुता, सामाजिक एकता व सद्भावन अप्वइगु विश्वास प्वंकादीगु दु । वय्कलं थुगु न्हूदँय् नेपाःमित दथुइ आपसी समझदारी विकास जुइगु विश्वास नं प्वंकादिल ।
अथेहे प्रधानमन्त्री भट्टराईं नेपाल संवत् नेपाःया परम्परा व मौलिकतानाप अन्योन्याश्रित स्वापु दुगु न्ह्यथनादिसें थुगु संवत् नेपाःया मौलिक संवत् व मौलिक पहिचान जूगु खँ धयादीगु दु । वय्कलं न्हूदँ नापं स्वन्ति व छठया नं भिंतुना बियादीगु खः ।
