टेलिकमया रिचार्ज सेवा अवरुद्ध जुयाः सेवाग्राहीत मर्काय्
नेपाल टेलिकमया प्रिपेड मोबाइल फोन छ्यमिंयात बियाःवगु रिचार्ज सेवा लगातार २१ घन्टातक अवरुद्ध जूगुलिं मोबाइल रिजार्च यायेमाःपिं सेवाग्राही मर्काय् लाःगु दु । टेलिकमय् वगु प्राविधिक समस्याया कारणं ५३ लख फोन छ्यमि ग्राहकत मंगवाः बहनी तक मर्का लाःगु खः । टेलिकमं एडिएसएल व पोष्टपेड मोबाइल छ्यमिंतय् रिचार्ज सेवाय् सोमवाः बहनि १२ बजेनिसें मंगलवाः सुथय् तक चार घन्टा जक रिचार्ज सेवाय् अवरोध जुइगु उल्लेख याःगु खः । टेलिकमया प्रवक्ता सुरेन्द्र थिकेया धापु कथं प्राविधिक सेवाय् वःगु समस्याया कारण मंगलवाः बहनि ९ बजेतक हे सेवा अवरोध जुयाः थप १७ घन्टा रिचार्जय् समस्या वःगु खः ।
