प्राइमया शेयरय् ७ अर्बया आवेदन
यें (सन्ध्या टाइम्स) / प्राइम कमर्शियल बैंकं आह्वान याःगु साधारण शेयरया निंतिं न्हय्गू अर्बं मल्याक आवेदन दुहां वंगु खँ विक्री प्रबन्धक नागरिक लगानी कोषं धाःगु दु । बैंकं वंगु १० गते निसें शेयर आवेदन खुल्ला याःगु खःसां शेयर फाराम वितरण धाःसा न्हापा हे यानातःगु खः ।
बैंकया शेयरया निंतिं स्वनिगलं पिने वीरगंजं दकलय् अप्वः २० करोड तकाया आवेदन दुहां वःगु दु । बैंकं शेयर आवेदन बुझे यायेगु निंतिं ३९ वित्तीय संस्थायात नियुक्ति याःगु खःसा थनया रन्जना हलय् बैंकं हे ५३ गू काउन्टरया व्यवस्था याःगु खः । शेयर बाँडफाँड यायेगु ज्या वइगु ७० न्हुया दुने जुइगु खँ कोषं धाःगु दु ।
