रेडियो मिर्मिरेया अनुगमन

रेडियो मिर्मिरेया प्रशारण केन्द्र अनामनगरय् थौं एकीकृत नेकपा (माओवादी)या स्थायी समिति दुजः देव गुरुङ, पोलिटब्युरो दुजः हितमान शाक्य, नेकपा (माओवादी)या कजि मात्रिकाप्रसाद यादव लगायतया नेतातय्सं अनुगमन यानादीगु दु ।

वंगु असोज १५ गते बहनी रेडियोया प्रशारण उपकरणत खुयाः यंकेधुंकाः रेडियोया निन्हुतक्क प्रशारण बन्द जूवंगु खः । रेडियो सञ्चालक समितिया पुलांम्ह नायः विष्णुप्रसाद सापकोटा, नेपाल पत्रकार महासंघ मिर्मिरे प्रतिष्ठानया नायः श्रीधर न्यौपाने लगायतिपंसं रेडियोया प्रशारण उपकरण खुयाः यंकूगु धकाः प्रहरीयात किटानी जाहेरी ब्यूसां नं कारबाही जूगु मदुनि ।

उपकरणत अझ नं लित मब्यूगु खँयात कयाः सम्बन्धित निकायं च्यूताः मब्यूगु सञ्चालक समितिया नायः घनश्याम श्रेष्ठं जानकारी बियादिल ।