व्यवसायीतय्सं न्हूम्ह प्रम नापलात
यें (सन्ध्या टाइम्स) / न्हूम्ह प्रधानमन्त्री माधवकुमार नेपालयात आःया सरकारं अस्थिर राजनीतिया अन्त यायेगु नापं उद्योग व्यवसाय लगायतया आर्थिक क्षेत्रया विस्तारया वातारवरण दयेकेत नेपाल उद्योग वाणिज्य महासंघं इनाप याःगु दु ।
महासंघया नायः कुशकमार जोशीया नेतृत्वय् वंगु छगू प्रतिनिधि मण्डलं प्रधानमन्त्री नेपालया निवास कोटश्वरय् वनाः उकथंया माग याःगु खः ।
उगु प्रतिनिधि मण्डलं न्हूगु संविधान निर्माण मजूतलेया निंतिं बन्द हडताल तोडफोड चक्का-जाम विस्फोट थेंजाःगु कारणं जुइगु निजी सम्पतिइ क्षतिपूर्तिया व्यवस्था यायेमाःगु माग नं याःगु दु ।
