नखःया इलय् पटाका ममुइकेत जिल्ला प्रशासनया इनाप

जिल्ला प्रशासन ज्याकू येँपाखें सोमवाः छगू विज्ञप्ति पिथनाः स्वन्ति, न्हूदँ व छठ पर्वया लसताय् मल्ताबारा, भुइचम्पा लगायत विष्फोटक जन्य पदार्थ ममुकेत आम जनसमुदाययात इनाप याःगु दु । कानुनपाखें निषेधित ज्या सुयागु नं पाखें जुल धाःसा कारबाही यायेगु व अज्याःगु पदार्थ मीगु यानाच्वंगु लुइकूसाः पसः लिसे व्यापारिक केन्द्रयात नापं कारबाही यायेगु नं विज्ञप्तीइ न्ह्यःथनातःगु दु । जिल्ला सुरक्षा समितिया कार्तिक ६ गते च्वंगु बैठकं उगु निर्णय याःगु जानकारी नं विज्ञप्तिइ बिउगु दु ।