एन पीस अवार्ड पूर्णशोभा चित्रकारयात
संयुक्त राष्ट्रसङ्घीय विकास ज्याझ्वः युएनडिपीपाखें पलिस्था जूगु 'एन-पीस अवार्ड २०११' पाखें नेपाःया पूर्णशोभा चित्रकारयात हनेगु ज्या जूगु दु । नेपालय् बारुदी सुरुङ प्रतिबन्ध अभियानय् विशेष योगदान यानादीगु बापत युएनडिपीं वय्कःयात उगु सम्मानपाखें हनेगु ज्या याःगु खः । चित्रकार बारुदी सुरुङ प्रतिबन्ध अभियान अन्तर्गत नेपाःया संयोजक नं खः । युएनडिपीपाखें छुं ई न्ह्यः जक बैंककय् ग्वसाःग्वःगु ज्याझ्वलय् वय्कःयात उगु सम्मान लःल्हाःगु बारुदी सुरुङ प्रतिबन्ध अभियानं जानकारी ब्यूगु खः ।
