क्वः पुजाया लसताय् क्वः सम्मेलन
क्वः पुजाया लसताय् विश्वचर्चित गौतम सापकोटा चरीदादां क्वः सम्मेलन याइगु जूगु दु । देउराली क्लबं आइतवाः पत्रकार सम्मेलन यानाः शान्ति व संविधान निर्माणया कामना लिसे वइगु कार्तिक ८ गते संविधानसभा भवनपिने क्वः सम्मेलन यायेत्यंगु जानकारी ब्यूगु खः । ज्यावझ्वलय् सापकोटां थुगु दँया सम्मेलन विशेष महत्वया जुइगु धयादिल । वंगु प्यदँ थुखेनिसें क्वः सम्मेलन यानाः वयाच्वंम्ह सापकोटाया नां विश्वया सच्छि व न्यय्छम्ह चखुँया सः पिकाफुम्ह मनूया रुपय् गिनिज बुक अफ द वर्ल्ड रेकर्डय् नां दर्ता जुइधुंकूगु दु ।
