दवाव बीत नेपालमण्डल बन्द
यें (सन्ध्या टाइम्स) / जेठ १८ गते जुइगु नेपालमण्डल बन्द बारे थौं रिपोर्टस्र क्लबय् नेवाः स्वायत्त राज्य मंकाः संघर्ष समितिं छगू पत्रकार सम्मेलन यात । बन्दया उद्देश्ययात कयाः संघर्ष समितया संयोजक सभासद् हितमान शाक्यं नेपालय् दयेकीगु न्हूगु संविधान झीगु नं जुइमाः व बां नं लायेमाः अले उकिं जातीय स्वशासनया अधिकार सुरक्षित नं जुइमाः धकाः हे थःपिंसं १८ गते दबाब स्वरुप बन्द याये त्यनागु खँ कनादिल ।
पत्रकार सम्मेलनय् संघर्ष समितिया दुजःपिं नरेशवीर शाक्य सभासद् तीर्थराम डंगोल व नेवाः देय् दबूया नायः नापं समितिया छ्यांज्ये नरेश ताम्रकारिपंसं नं बन्दया औचित्य बारे कनादीगु खः ।
