पार्टी दुनेया विवाद याकनं क्वचाइ : कोइराला
नेपाली कांग्रेसया सभापति सुशील कोइरालां पार्टी दुने खनेदुगु मत मतान्तर याकनं हे क्वचाइगु खँ धयादीगु दु ।
नेपाली कांग्रेस तनहुँपाखें आइतवाः दमौलीइ याःगु कार्यकर्ता नापलाय् ज्याझ्वलय् सभापति कोइरालां फुक्कं पार्टी दुने विवाद व सहलह जुइगु जुगुलिं कांग्रेस दुने खनेदुगु असहमतियात नं याकनं हे सहमतिइ मिले याना यंकेगु धयादिल ।
म्हिग जक कांग्रेस वरिष्ठ नेता शेरबहादुर देउवां पार्टी सभापति कोइराला तानाशाह जूगु धका बिउगु अभिव्यत्तिया प्रतिवाद यानादिसें वय्कलं थः तानाशाह मजूगु दावी यानादिल ।
ज्याझ्वलय् कांग्रेसया केन्द्रीय दुजः शङ्कर भण्डारीं, नेता रामचन्द्र पोखरेल लगायतं कांग्रेसयात छधि छप्पँ यानाः यंकेमागु खँय् बः बिउगु खः ।
