'लडाकू समायोजन यानाः संविधान निर्माणया ज्या न्ह्याकेमजिउ'
एकीकृत नेकपा (माओवादी)या न्वकू मोहन बैद्यं लडाकू समायोजन यानाः संविधान निर्माणया ज्या न्ह्याकूसा थःपिंत मान्य मजुइगु खँ धयादीगु दु ।
वय्कलं संविधान च्वयेगु ज्या व शान्ति प्रकृया छक्वलं न्ह्याकेमाःगु धयादिल । शुक्रवाः येँय् आदिवासी जातीय क्षेत्रीय महासंघं ग्वसाः ग्वःगु ज्याझ्वलय् न्वकू बैद्यं लडाकु समायोजन यानाः संविधान दयेकेगु कुतः याःसा संविधान दयेके हे मफइगु दाबी यानादिल । माओवादी लडाकूयात अपमानजनक रुपं समायोजन यायेधुंकाः जक संविधान दयेकेगु रणनीतिइ दलया नेतात न्ह्यज्यानाच्वंगु द्वपं बियादिसें वय्कलं निगूलिं ज्या छक्वलं न्ह्याकेमाःगु खँ धयादिल ।
