व्यवस्थापिका संसदया बैठक स्थगित

बिहिवाः च्वनेमाःगु व्यवस्थापिका संसदया बैठक च्वंहे मच्वंसें सूचना तिकाः जेठ १७ गते तकया निंतिं स्थगित याःगु दु ।

एकीकृत नेकपा (माओवादीं) राष्ट्रपति विरुद्ध दर्ता याःगु संकल्प प्रस्ताव संसदय् बहस यायेगु वा मयायेगु धकाः बिहिवाः च्वंगु संसदया कार्यव्यवस्था परामर्श समितिया बैठक विनानिष्कर्ष क्वचायेवं बिहिवाः न्हिनय् स्वताः ईलय् च्वने धकाः ग्वसाःग्वयातःगु व्यवस्थापिका संसदया बैठक सूचना तिकाः स्थगित याःगु खः ।

संसदय् दुथ्याःगु नीनिगू दलया बैठकं व्यवस्थापिका संसदया हिउँदे अधिवेशन क्वचायेकेगु निर्णय याःगु खसाः माओवादीं धासाः संकल्प प्रस्ताव बारे सहलह हे मयायेकं अधिवेशन क्वचोगु निर्णयया प्रतिकर यायेगु निर्णय याःगु खः ।