मुस्लिम समुदायं देय्न्यंकया जिल्ला प्रशासन न्हयःने धर्ना
इस्लामी संघ नेपालया मू छ्याञ्जे फैजान अहमद हत्याया दोषीयात कारवाहीया माग यासें मुस्लिम संघ संगठनतय्सं बुधवाः देय्न्यंकया जिल्ला प्रशासन ज्याकू न्ह्यःने धर्ना बिल । फैजानया हत्यारायात मज्वंगु धासें उमिसं देय्न्यंकया प्रशासन ज्याकू न्ह्यःने बुधवाः सुथय् झिताः इलंनिसें धर्ना ब्यूगु खः । इस्लामी संघ संगठनया धर्नाया कारण देय्या आपालं जिल्लाया प्रशासनया सेवा प्रभावित जूगु खः ।
फैजानयात वंगु असोज ९ गते येँया घण्टाघर न्ह्यःने न्हिनय् हे गोली कयेकाः स्याःगु खः । सरकारं हत्याया छानबिन यायेत धासें अधिकार सम्पन्न समिति नीस्वंसां नं छानबिन निश्पक्ष जुइमफुगु द्वपं उमिसं बिउगु दु ।
