प्रधानमन्त्री सम्वोधन यथास्थितिया निरन्तरता : माओवादी

प्रधानमन्त्री माधवकुमार नेपालं मंगलवाः देय्या नांमय् यानादीगु सम्वोधन यात एकीकृत नेकपा (माओवादीं) परम्परा व यथास्थिपतया निरन्तरता जक जूगु टिप्पणी याःगु दु ।

बुधवाः च्वंगु सचिवालय् बैठकलिपा पार्टी प्रवक्त दिनानाथ शर्मां नागरिक सर्वोच्चता यात हाचांकाःया न्हूगु सरकार गठन जूगुलिं नागरिकयात छुं नं राहत बीमफइगु दावी यानदिल । माओवादीं प्रधानमन्त्रीया सम्वोधायात 'कु'या अनुमोदनया कथं नं व्याख्या याःगु दु ।

सचिवालय बैठकं दक्वं शक्ति जनमुखि संविधान निर्माणय् केन्द्रीत यायेगु निर्णय नं याःगु दु । बैठकय् राज्यया शासकीय स्वरुप व पुर्नसंरचनाया बारे दुजःतय्सं थःथःगु बीचाः प्वंकूगु खः । दुजःतय्सं माओवादीया घोषणा पौ कथं संविधान निर्माण जुइमाःगु खँय् ब ब्यूगु खः ।

बैठक बिहिवाः हाकनं च्वनीगु ग्वसाः दु ।