विरामी ज्वनाः वःगु सैनिक विमान दुर्घटना
नेपाली सेनाया विमान मंगलवाः सनिलय् बागलुङया बोवाङ्गय् दुर्घटना जूगु दु ।
बिरामी ज्वनाः नेपालगञ्जं येँय् वयाच्वंगु सेनाया आरएएन ४९ बीएन टि विमान वोवाङ्ग-९या ग्वारकोटय् दुर्घटना जूगु नेपाली सेनां धाःगु दु । बिमानय् सवार खुम्हेसिया अवस्था धाःसा अझ नं सीकेमफुसां प्रत्यक्षदर्शीतय्सं मि च्यानाः विमान कुतुंवःगु खँ धाःगु दु । सेनाया प्रवक्ता रमिन्द्र क्षेत्रीया कथं विमाय् निम्ह पाइलटनापं खुम्ह दुगु खः । विमानया चालक दिवकर कार्की व विशालिसंह राठोर, ल्वगि केशव ऐरी, वय्कःया दाजु रामहरि, डा. रविता पाठक व मिलन गोतामे विमानय् दुगु खः ।
बाग्लुङ्गया डिएसपी उमा चतुर्वेदीं विमान दुर्घटना जूगु खबर वयेधुंकाः उद्दार पुचः उखे वंगु खः । वय्कःया कथ्र विमान दुर्घटना जूगु लागा विकट व जंगल लाः । मौसम प्रतिकूल जूगुलिं उद्दारया निंतिं मंगलवाः बहनी हे वनेत्यंगु नेपाली सेनाया निगः नाइटभिजन हेलिकप्टर धाःसा अन वनेमफगु खः ।
