संविधानसभाय् प्रतिवेदन समिति गठन
संविधानसभाय् दुथ्याःगु समितिं पेश याःगु न्हूगु संविधानया अवधारणा व प्रारम्भिक मस्योदाय् सहलह यायेत च्वंगु संविधानसभाया बैठकं झिंन्याम्ह दुजः दुगु संविधानसभा प्रतिवेदन समिति गठन याःगु दु ।
बुधवाः च्वंगु संविधानसभाया नीगुक्वःगु बैठकं दक्वं दलया प्रतिनिधित्व जुइ कथं समिति गठन यायेगु धासां झिंन्याम्ह दुजः जक दुगु समिति गठन याःगु दु ।
बैठक न्ह्ययेवं माओवादीया सचेतक पोष्टबहादुर बोगदीं अवधारण पौ व प्रारम्भिक मस्यौदा प्रतिवेदन अध्ययन समिति गठन यायेत प्रस्ताव पेश याःगु खः । वयेकलं याःगु प्रस्ताव बहुमतं परित जूगु खः । अध्यन समितिइ अग्नि खरेल, एकराज भण्डारी, नारायण खड्का, प्रतिभा राणा, राधेश्याम अधिकारी, लगायत सभासदत च्वनादीगु दु ।
समितिं संविधानसभाय् न्ह्यब्वःगु अवधारणा पौ व प्रारम्भिक मस्यौदाय् सहलह यायेगु झ्वलय् सभासदत पाखें वःगु सुझाव व असहमतित टिपोट यानाः संवैधानिक समिति पेश याइगु ज्याझ्वः दु ।
बुधवाःया राष्ट्रिय हित संरक्षण समितिया प्रारम्भिक मस्यौदाय् सहलह यायेगु धासां नं कार्य व्यवस्था परामर्श समितिया सुझाव कथं आः वइगु १७, १९, २०, २१ व २२ गते याः निंतिं लिछ्याःगु दु ।
