कटवाल बारे निर्णय यायेगु जिम्मा प्रधानमन्त्रीया

बुधवाः च्वंगु मन्त्रिपरिषदया बैठकं प्रधानसेनापति रुक्माङ कटवालयात पुर्नबहाली यायेत नीनगू दलया निर्णय कार्यान्वयन यायेगु्/मायेगु खँया जिम्मा प्रधानमन्त्री माधवकुमार नेपालयात ब्यूगु दु ।

प्रधानमन्त्री ज्याकू सिंहदरवारय् च्वंगु मन्त्रिपरिषदया बैठकं कोसी खुशीया निरिक्षणया निंतिं स्वम्ह दुजः दुगु निरिक्षण पुचः गठन याःगु दु । पुचःलय् गृह, जलस्रोत व भौतिक योजना व पुनः निर्माण मन्त्रालयया सचिवत दुगु खँ अर्थमन्त्री सुरेन्द्र पाण्डे जानकारी बियादिल ।

अथेहे थौंया बैठकं राष्ट्रपति डा. रामवरण यादवया उपस्थिति जेठ १५ गते भव्य रूपं न्हापांगु गणतन्त्र दिवस न्ह्याकेगु व शहिद स्मारकया नं शिलान्यास यायेगु निणर्य याःगु दु ।