'रक्षामन्त्रीयात कारवाही मयासाः अनसन'
सरकारं विश्व हिन्दु युवा संघया नायः काशी तिवारीयात स्याःगु द्वपं लानाच्वंम्ह भूमिसुधार मन्त्री प्रभु शाहयात कारवाही मयाःसा सीम्ह तिवारीया छेँजःपिंसं वइगु बुधवाः निसें अनसन च्वनीगु ख्याच्वः बिउगु दु ।
येँय् शनिवाः ग्वसाःग्वःगु छगू ज्याझ्वलय् तिवारीया छेँजःपिंसं यक्व हे दसित दुसां नं दोषीयात मुद्दा दर्ता मयाःगुलिं दुःख प्वंकूसें दोषीयात कारवाही यायेत सरकारलिसे माग याःगु खः । ज्याझ्वलय् तिवारीया जाहन बबिता तिवारीं प्रहरीया ग्वाहालिइ म्हसीकूम्ह दोषीयात सरकारं कारवाही यायेमाःगु धयादिल ।
ज्याझ्वलय् मानवअधिकारकःमि सुवोध प्याकुरेल व कानूनविद् भिमार्जुन आचार्यं दण्डहिनताया अन्त्य यानाः कानूनी राज्यया स्थापना यायेत प्रधानमन्त्री डा. बाबुराम भट्टराई लिचिउसा मन्त्री परिषदया नेतृत्व यानाच्वनेगु नैतिक अधिकार मदयावनीगु धयादिल ।
