वहःया पाय्म्वः पितब्वज्या

वहः पाय्म्वः पिथना पुचः ११३१ या ग्वसालय् थौं शनिवाः लक्ष्मीद्यःया किपाः दुगु पाय्म्वः पितब्वज्या याःगु दु । ज्याझ्वःया दबुलिइ उपस्थित मूपाहां व पाहांपिं सकस्यां छक्वलं उगु पाय्म्वः पितब्वज्या याःगु खः ।

मदुम्ह त्वाःथकालि रामनारायण कर्माचार्यया लुमन्तिइ छगू मिनेट मौन धारण यानाः न्ह्याकूगु उगु ज्याझ्वःलय् मन्दः किपाःया नं थाकुलि आनन्द शाक्यं उलेज्या यानादीगु खः । ज्याझ्वःलय् पाय्म्वः पिकायेत आर्थिक ग्वाहालि यानादीम्ह सानुनानि बज्राचार्ययात हनापौ लःल्हाःगु खःसा मेपिंत खातागां क्वखायेकाः हंगु खः ।

नरेश महर्जनं सुभाय् लिसे ल्याःचाः न्ह्यःब्वयादीगु खःसा प्रदिप कसाःनं लसकुस यानादीगु खः । ज्याझ्वःलय् प्रबोध कसाः, निलकाजी शाक्य लगायत व्यक्तिपिंसं नवानादीगु खः ।