नेपाःया अपूर्व श्रेष्ठ अमेरिकाया भर्जिनिया राज्यय् सर्वात्कृष्ट
अमेरिकाया भर्जिनिया राज्यया इगल भ्यु ब्वनेकुथिया ब्वनामि अपुर्व श्रेष्ठं अमेरिकाया भर्जिनिया राज्यया निम्न माध्यामिक तहलय् सर्वात्कृष्ट स्थान कायेत ताःलागु दु । सर्वात्कृष्ट जुयाः श्रेष्ठं अमेरिकाया शैक्षिक सिरपा (प्रेसिडेन्टस एजुकेसन एआर्ड) काःगु दु ।
अमेरिकाया राष्ट्रपति बाराक ओबामाया ल्हाः चिं नापं विशेष हसना पौं नं श्रेष्ठयात बिउगु दु । हसनाय् अपुर्वया सफलता वयाः जक सफलता मखुसें २१ औ शताब्दीइ अमेरिकाया सफता नाप इङि्गत याइगु खँ न्ह्यथनातःगु दु ।
अपूर्व थेंज्याःपिं विद्यार्थीं अमेरिकाया ल्याम्हत दथुइ प्रभावशाली दसु क्यनेगु विश्वास नं राष्ट्रपति बाराक ओबामां उगु हसना पौ मार्फत प्वकंगु दु ।
