कतारया भ्रमण क्वचायेकाः राष्ट्रपति यादव येँय्
राष्ट्रपति डा. रामवरण यादव कतारया प्यन्हुन्यंकया राजकीय भ्रमण क्वचायेकाः बिहीवाः नेपाः लिहां झायदीगु दु । राष्ट्रपति यादव लिसेंया पुचः बिहीवाः सनिलय् येँ थ्यंगु खः । वय्कःयात उपराष्ट्रपति परमानन्द झा, प्रधानमन्त्री डा. बाबुराम भट्टराई लिसेंया व्यक्तित्वपिन्सं त्रिभुवन अन्तर्राष्ट्रिय विमानस्थलय् लसकुस याःगु खः ।
कतारया अमीर हमाद बीन खलिफा अल-थानीया ब्वनाय् राष्ट्रपति यादव वंगु सोमवाः कतारया राजकीय भ्रमणय् झायादीगु खः । राष्ट्रपति यादवया भ्रमणया झ्वलय् नेपाः व कतार दथुइ पर्यटन प्रबद्धन व अन च्वंपिं नेपाःमितय्गु निंतिं माःगु कानूनी परामर्श ग्वाहालि सम्बन्धि निगू सम्झौता जूगु खः ।
