ख्वपय् रत्नगोपालयात तःजिक हन
ख्वप (सन्ध्या टाइम्स) / विराट नेपालभाषा साहित्य सम्मेलन गुथिया संस्थापक दुजः रत्नगोपाल साँय्जुयात ख्वपय् थीथी संस्थाय् संलग्न जुयाः नेपालभाषा ख्यलय् यानादीगु ज्वःमदुगु योगदानयात कदर यानाः थुगुसी नेपालभाषा परिषदं चित्तधर सिरपाः लःल्हाःगु भिं लसताय् याताजः नेपालभाषा साहित्य दबूया ग्वसालय् होटेल स्वीट होमय् तःजिगु ज्याझ्वः यासें हनेगु ज्या जूगु दु ।
नेपालभाषाया नांजाःम्ह कवि डा. योगेन्द्र प्रधानया सभापतित्वय् जूगु उगु ज्याझ्वलय् नेपाल साहित्य मन्दिरया नायः तिलकप्रकाश कायस्थ नेवाः देय् गुथि नेपाल मण्डलया नायः नरेन्द्रभक्त हाडा बाखं दबूया दुजः राजा शाक्य व अभिनन्दित व्यक्तित्व रत्नगोपाल साँय्जूपिंसं थःपिनिगु नुगः खँ प्वंकादीगुखः ।
याताजः नेपालभाषा साहित्य दबूपाखें लसता पौ देछासें हनेज्या याःगु ज्याझ्वलय् सौरभ शाक्य व विमल ताम्राकारिपंसं नं नुगः खँ प्वकादीगु खः ।
