राजदूततय्सं प्रम नापलात
यें (सन्ध्या टाइम्स) / न्हूम्ह प्रधानमन्त्री माधव नेपालयात युरोपियन युनियनया राजदूततय्सं थौं सुथय् नापलानाः खँल्हाबल्हा यात । नेपाल निवास कोटेश्वरय् जूगु उगु खँल्हाबल्हाय् राजदूततय्सं शान्ति प्रक्रिया न्हूगु संविधान च्वयेगु व मानव अधिकार बारे चिउताः प्वंकूगु खः ।
लिसें राजदूततय्सं माओवादी सैन्य शिविरय् दुपिं बालसेनायात अनं चीकेत नं सुझाव बिउगु खः ।
राजदूततय्सं न्हूगु सरकारयात थःपिंपाखे ग्वाहालि यायेगु बचं नं बिउगु खः । लिसलय् प्रम नेपालं कानुनी शासनया स्थापना व शान्ति सुरक्षा थःगु न्हापांगु दायित्व जूगु खँ कनादीगु खः ।
