सरकारं शान्ति व संविधानया ज्या ताःलाके मफइगु एमाले नेतातय् धापू
नेकपा एमालेया अध्यक्ष झलनाथ खनालं थ्व सरकारं नं शान्ति व संविधानया ज्या ताः लाकेफइमखुगु धयादीगु दु । प्रेस चौतारी नुवाकोटं म्हिगः ग्वसाःग्वःगु छगू ज्याझ्वलय् न्ववानादिसें वय्कलं सहमतिया सरकारया विकल्प मदुगु धयादिल । बहुमतया प्रणालीं गठन जूगु थ्व सरकारं शान्ति व संविधान ताःलाकेत असफल जूगु वय्कःया धापू खः ।
अथेहे नेकपा एमालेया नेता केपि ओलिं माओवादी व मधेसवादी दल दथुइ जूगु प्यंगु बुँदाया सहमतिं शान्ति व संविधानयात लिच्व लाइगु धयादीगु दु । थःगु गृहजिल्ला झापाया विर्तामोडय् जूगु तुच्चा ज्याझ्वलय् न्ववानादिसें वय्कलं माओवादी व मधेसवादी दथुइ जूगु प्यंगु बुदाया सहमति सत्ता प्राप्तिया लागिं जक जूगु द्वपं वियादिल । थ्व सरकारं सहमतिया नारा थ्वयेकूसां सहमतिया पक्षय् मदुगु नं वय्कःया धापू खः । प्यंगु बुँदाया सहमति थः अध्यक्ष झलनाथ खनालं थःगु सरकार निस्वनेगु झ्वलय् याःगु न्हय्गु बुँदे सिबें छुंनं फरक मजूगु नं वय्कलं धयादिल ।
