मोहनीया झ्वलय् स्वन्हुतक देय्या फुक्क मू मू भन्सार नाकाय् कारोबार बन्द
भंसार विभागं मोहनीया झ्वलय् म्हिगः मंगलवाः निसें स्वन्हुतक देय्या फुक्क मू मू भन्सार नाकाय् कारोबार बन्द यात ।
विभागं म्हिगः महाअष्टमी निसें विजया दशमी स्वन्हुतक मेची विराटनगर, जलेश्वर, रक्सौल, नेपालगंज व तातोपानी भन्सार नाका बन्द याःगु विभाग प्रमुख टंकमणी शर्मां जानकारी बियादीगु दु ।
विभाग प्रमुख शर्मां छेँया निंतिं यात्रुतय्सं हइगु हलंज्वलं धाःसा संक्षिप्त प्रज्ञापनपाखें निश्चित ल्हापं कयाः हयेकेबीगु व्यवस्था मिलेयाकूगु नं जानकारी बियादीगु दु । थुगु भंसार ज्याकूपाखें न्हियांन्हिथं थ्यंमथ्यं नीन्यागू लख निसें स्वीगू लखतका तक कारोवार जुयावयाच्वंगु खः ।
