ज्यापु महागुथि किपुलिइ ज्ञान बहादुर महर्जन न्हूम्ह नायः
ज्यापु महागुथि, किपू नगर समितिया म्हिगः च्वंगु मुँज्यां प्वनांच्वंगु नायः पदय् न्वकू जुयाच्वंनादीम्ह भाजु ज्ञान बहादुर महर्जन 'नेवाः'यात ल्ययेगु ज्या जुल । नकतिनि केन्द्रीय तःमुँज्यां आः याम्ह नायः भाजु कुल बहादुर महर्जन केन्द्रीय न्वकू पदय् सर्वसम्मतिं ल्यःगुलिं किपू नगर समितिइ नायः पद प्वंनाच्वंगु खः ।
म्हिगःया मुँज्यां केन्द्रीय समितिइ किपू नगरया भाजु कॄष्ण बहादुर महर्जन केन्द्रीय छ्यांजे पदय्, अथेहे मचामान सिंह, बाबुराम महर्जन, नन्दकुमारी महर्जन 'नानीमिस', रामकुमारी महर्जन, न्हुच्छेमाया महर्जनपिं केन्द्रीय दुजःलय् निर्वाचित जुयादीगुलिं वय्कःपिंत भिंतुना देछासें वय्कःपिनिगु कार्यकाल सुथांलायेमाः धकाः कामना नं यानादीगु खः ।
