नेपालभाषाय् दक्कलय् अप्वः ल्याः हःपिंत सिरपाः
थुगुसीया एसएलसी परीक्षाय् नेपालभाषाय् दक्कलय् अप्वः ल्याः हःपिं विद्यार्थीतय्त 'लक्ष्मी नारायण पुनमाया सिरपाः' लःल्हात ।
ज्याझ्वलय् मूपाहां नापं नेपालभाषा एकेदमिया चान्सलर व संस्कृतविद् सत्यमोहन जोशीं थुगुसी एसएलसी परीक्षाय् दक्कलय् अप्वः ल्याः हःपिं परोपकार आदर्श उच्च माध्यामिक विद्यालयया जुनु दिपकर, हिलटाउन उच्च माध्यामिक विद्यालयया मनिषा नापित व मिजंपाखें रिनित महर्जनयात नगद सिरपाः नापं दसिपौ लःल्हानादीगु खः ।
सिरपाः समितिया नायः डा. चुन्दा बज्राचार्यया सभाध्यक्षताय् जूगु उगु ज्याझ्वलय् नेवाः देय् दबूया संरक्षकपिं लक्ष्मण राजवंशी, मल्ल के.सुन्दर, नेवाः देय् दबूया नायः नरेश ताम्रकार, सभासदिपं बुद्ध साय्मि, दीलिप महर्जनपिंसं थःथःगु नुगः खँ प्वंकादीगु खः ।
नेपालभाषा ब्वनीपिं विद्यार्थीत अप्वयेकेगु ताः तयाः थः मां व बौया नामं लक्ष्मीदास मानन्धरं उगु सिरपाः नीस्वनादीगु खः ।
