रक्षामन्त्रीयात थत्थें कारवाही मयाःसा सरकार न्ह्याःवने फइमखु - भण्डारी
नेकपा एमालेया न्वकु विद्या भण्डारीं राष्ट्र विखण्डन यायेगु अभिव्यक्ति बिइम्ह रक्षामन्त्री याकनं कावाही मयासा सरकार न्ह्यने न्ह्यायेमफइगु धयादिल । नेपामिपिनिगु तधंगु नख मोहनि स्वन्ति छठ व नेपाल संम्वत ११३२ या लसताय् एमाले कास्कीं थौं पोखराय् यागु भिंतुना कालबिल लिसे तुच्चा ज्याझ्वलय् न्ववानादिसें पुर्व रक्षामन्त्री नापं जुयादीम्ह न्वकु भण्डारीं देश त्वाःथलेगु अभिव्यक्ति बिईपिंत सरकारय् तया तयेगु खसा प्रधानमन्त्री भट्टराईप्रति हे शंका पिज्वइगु न्ह्यथनादिल । देश विखण्डन याइगु तत्वयात कार्वाही यायेत माग यानाच्वंगु इलय् सरकार सुम्क च्वना च्वनेगु आश्चर्य जनक जुगु वय्कया धापु ख ।
