लालबन्दीइ सवारी दुर्घट्नाय् निम्ह मन्त
पूर्व पश्चिम राजमार्ग अन्तर्गत सर्लाहीया लालबन्दीइ थौं जुगु सवारी दुर्घटनाय् निम्ह मनुत सीगु दु । घुर्कौली गाविस-४ च्वनीम्ह करिब न्यय्न्यादँया सत्यनारायण महतो व पाँचथर छेँया गंगा लावती सीगु प्रहरीं धागु दु । पश्चिमपाखें पूर्वपाखे वनाच्वंगु नम्बर सीमदुगु तुयुगु कारं पूर्वपाखे वनाच्वंगु बा ४३ प ९५९४ ल्याया मोटरसाइकलयात ल्युनेपाखें ठक्कर ब्युगु ख । महतोयात उपचारार्थ अस्पताल यंकाच्वंगु इलय् लँय् हे सीगु खः ।
मोटरसाइकलया ल्युने दुम्ह लावतीया उपचारया नितिं वीरगंज थ्यंकेधुंकाः अस्पतालय् सीगु प्रहरी निरीक्षक कृष्णप्रसाद सापकोटां धयादिल । दुर्घटनालिपा स्थानियवासीं राजमार्गय् लास बेथां तया छुं ई सतक अवरुद्ध यागु ख । अथेहे तनहुँया दमौलीपाखें लमजुङया दुईपिप्लेपाखे वनाच्वंगु बा १ ज ९५६० ल्याःया माइक्रो बस थौं न्हिनय् तनहुँया क्यामिन - ९ बाच्छाय् व्रेक फेल जुया दुर्घटना जुया छम्ह सीगु खः ।
