महान्यायाधिवक्ता व योजना आयोगया दुजतय्सं राजीनामा
महान्यायाधिवक्ता राघवलाल वैद्य व योजना आयोग उपाध्यक्ष डा. गुणनीधि शर्मा लगायत स्वम्ह दुजतय्सं सोमवाः राजीनामा याःगु दु ।
तत्कालीन माओवादी सरकारया प्रधानमन्त्री पुष्पकमल दाहाल प्रचण्डया सिफारिसय् नियुक्त जुयादिम्ह महान्यायाधिवक्ता राघवलाल वैद्यं हिलावंगु राजनीतिक घटनाक्रम नापं माधवकुमार नेपाल प्रधानमन्त्री जुइवं वयेकलं राष्ट्रपति समक्ष राजीनामा बियादीगु खः । वयेकलं लिहावंगु घटनाक्रमयात आत्मासाथ यासें अन्तरिम संविधान कथं न्हुम्ह प्रधानमन्त्रीयात सहज परिस्थिति श्रृजना यायेत थम्हः पदं राजीनामा बियाःगु खँ थःगु राजीनामा पतिइ
न्ह्यथंनातःगु दु ।
थ्वहे दथुइ माओवादीं नियुक्त यापिं राष्ट्रिय योजना आयोगया उपाध्यक्ष डा. गुणनीधि शर्मा दुजःत राममणि पोखरेल, डा. लक्ष्मीप्रसाद देवकोटा व डा. सुनीलबाबु पन्तं नं राजीनामा याःगु दु ।
च्याम्ह दुजः दुगु आयोगय् माओवादी पाखें नियुक्त जूपिंसं राजीनामा यायेवं आः एमाले पाखें प्रेम बहादुर कुवँर व डा. दिनेशचन्द्र देवकोटा, फोरम पाखें रत्नेश्वरलाल कायस्थ व सद्भावना पाखें नियुक्त जुम्ह रामदेव सिंह यानाः आयोगय् आः प्यम्ह जक दुजः जूगु दु ।
