सार्वभौमिकताया रक्षाया निंतिं सुंनाप नं सम्झौता जुइमखु : रक्षामन्त्री

थौं तिनि नियुक्त जुयादिम्ह रक्षामन्त्री विद्यादेवी भण्डारीं राष्ट्रिय एकता, अखण्डाता व सार्वभौमिकताया रक्षाया निंतिं थःम्हं सुंनाप नं सम्झौता मयायेगु खँ धयादीगु दु । वयेकलं राष्ट्रिय एकता, अखण्डता व सार्वभौमिकताया रक्षाया निंतिं नेपाली सेनां याःगु योगदानया प्रशंसा यासें नेपाली सेना देय्या छगू जक राष्ट्रिय सेना जूगु धयादिल ।

वयेकलं माओवादी लडाकूतय् समायोजन सहमति कथं जुइगु धासें थुकीया निंतिं सेना समायोजन विषेश समिति गठन जुइधुंकूगुलिं समितिं याःगु निर्णय कथं सरकार न्ह्यावनीगु खँ धयादिल ।

सोमवाः हे थःगु कार्यभारया जिम्मेवारी कयादिम्ह भण्डरी नेपाःया राजनीतिक इतिहासय् न्हापांम्ह मिसाः रक्षामन्त्री खः ।