रक्षामन्त्री भन्डारीया बर्खास्ती माग

प्रतिपक्षी दल एमालें रक्षामन्त्री शरदिसंह भण्डारीयात याकनं बर्खास्त यायेत माग याःगु दु । पार्टी कार्यबाहक नायः बामदेव गौतमं मंगलबाः छगू विज्ञप्ती पिकयाः रक्षामन्त्री भण्डारीं राष्ट्रिय अण्डताय् आँच वइगु व राष्ट्रिय हित अःखः अभिब्यक्ति ब्यूगु धासें याकनं बर्खास्त यायेत माग याःगु दु ।

भण्डारीं मधेसया नीनिगू जिल्ला नेपाःपाखें ब्यागलं जुइपुूगु धकाः अभिब्यक्ति ब्यूगु धासें बर्खास्तीया माग याःगु खः । भण्डारीं सोमवाः नीनिगू जिल्ला ब्यागलं जुइपुूगु धकाः ब्यूगु अभिब्यक्ति राष्ट्रहित अःखः व गैरजिम्मेवार दुगु एमालें पिकाःगु विज्ञप्तीइ न्ह्यःथनातःगु खः ।

रक्षामन्त्री भण्डारीं मधेशया नीनिगू जिल्लां निर्णय यानाः नेपाःपाखें ब्यागलं जुइपुूगु व नीनिगू जिल्लां ब्यागलं जुइगु निर्णय याःसा छु नं ऐन कानुनं देय् बचय् यायेत अभिब्यक्ति ब्यूगु खः । उगु अभिव्यक्ति गैरजिम्मेवारीया पराकाष्ठा जूगु एमालेया धापू खः । राष्ट्रिय हित एकता व अखण्डता विरोधी रक्षामन्त्रीया अभिव्यक्ति छु नं देय्भक्त नेपाःमििपंत स्वीकार्य जुइमफइगु व राष्ट्रिय हितय् आघात यायेगु व साम्प्रदायिक विद्वॆÈ न्यंकीम्ह मन्त्रीयात याकनं बर्खास्त यायेत एमालें माग याःगु दु ।

अथेहे एमालें पिकाःगु विज्ञप्तीइ भूमिसुधार मन्त्री प्रभु शाहयात नं सरकारपाखें बर्खास्त यायेत माग याःगु दु । विश्व हिन्दु महासंघया बीरगाज नायः काशी तिवारीया हत्याय् मन्त्री शाह मतियार जूगु व शाहया स्वकीय छ्यााजे सियाराम कुशवाह उगु हत्याकाण्डय् प्रत्यक्ष ल्हाः दुगु द्वपं ब्यूगु खः । नापनापं पिकाःगु विज्ञप्तीइ राजधानीया स्यनाच्वंगु सुरक्षा स्थितियात गम्भिरता पूर्वक कायेत नं इनाप याःगु दु । थ्वहे दथुइ एकीकृत नेकपा माओवादीं कान्तिपुर न्हिपौसं मन्त्री शाहबारे छापय् याःगु बुखँ प्रति माओवादीं गम्भिर ध्यानाकर्षण जूगु जानकारी ब्यूगु खः । पार्टी प्रवक्ता दीनानाथ शर्मां थौं छगू विज्ञप्ति पिकयाः घटनाया छानबिन न्ह्यानाच्वंगु अवस्थाय् उकियात प्रभावित यायेगु कथं बुखँ वःगु धासें विरोध प्वंकूगु खः । रौतहटय् माओवादीया नीन्याम्ह कार्यकर्ताया हत्या जूगु घटनाया अपराधीत मज्वंगु खँ न्ह्यःथना माओवादीं काशी तिवारीया हत्याया बारे पार्टी व शाहया चरित्र हत्या यायेगु कथं बुखँ च्वयातःगुलिइ च्यूताः प्वंकूगु दु ।