जनगणनाया प्रारम्भिक लिच्वः सार्वजनिक
िझंछक्वःगु राष्ट्रिय जनगणनाया प्रारम्भिक लिच्वः थौं सार्वजनिक जूगु दु । सार्वजनिक लिच्वःकथं देय्या कूल जनसंख्या निगू करोड ख्वीखुगू लख नीद्वः व च्यासः व गुम्ह दु । वंगु असार ३ निसें १३ गतेतक्क देशय् िझंछक्वःगु जनगनणा याःगु खः ।
प्रत्येक झिदँय् याइगु राष्ट्रिय जनगनणनाया लिपांगु लिच्वः कथं न्हापाया बि।सं। २०५८ सालय् याःगु स्वयाः िझंप्यंगू दशमलब गुइगुंगू प्रतिशन जनसंख्या अप्वः खनेदुगु खः । उगु इलय्या तथ्यांक कथं निगू करोड स्वीछगू लख न्यय्छद्वः व प्यसः व नीस्वम्ह जनसंख्या दुगु खः । थुगुसी नं मिजंया ल्याः स्वयाः मिसाया ल्याः छुं भचा अप्वः खनेदुगु खः ।
जनगनणा कथं मिजंया ल्याः छगू करोड नीगुंगू लख नीन्ह्यद्वः प्यसः व स्वीछम्ह पीच्यागू दशमलव ख्वीखुगू प्रतिशत व मिसाया ल्याः छगू करोड स्वीखुगू लख गुइस्वद्वः स्वसः व न्ह्यच्याम्ह न्यय्छगू दशमलव पीप्यंगू प्रतिशत दुगु खः । देय्या जनसंख्याया वार्षिक जनसंख्या बृद्धिदर छगू दशमलव पीगू प्रतिशत खनेदु ।
थ्व स्वयाः न्ह्यःया जनगणनाय् निगू प्रतिशत स्वयाः अप्वः खनेदुगु खः । देय्न्यंक जम्मा न्यय्खुगू लख न्यय्गुद्वः व गुसः व च्यय्प्यखा छेँखाय् परिवार दु । उमिगु निितं पीन्ह्यगू लख ख्वीन्ह्यद्वः व सच्छि व गुइखुखा छेँ लिसे भवनत दुगु नं जनगणनापाखें तथ्यांक वःगु दु ।
