गोलीकाण्डया छुं घौदुने हे येँया प्रहरी प्रमुख कार्बाहीलय्

येँय् नं आः 'इन्काउन्टर' टोली परिचालन

महानगरीय प्रहरी आयुक्तया भवनलिक्क स्वानाच्वंगु थासय् न्हिनय् हे गोलीं कयेकाः स्यायेवं येँया प्रहरी प्रमुख केदार रिजाल कार्बाहीलय् लाःगु दु । गोलीकाण्डया छुं ईदुने हे गृह मन्त्रालयं एसपी रिजालयात येँ प्रहरी प्रमुखया भालाःपाखें नापं चीकूगु दु ।

आः वयाःगु थासय् १ नम्बर गजण नक्सालया एसपी राजेन्द्र श्रेष्ठयात हःगु दु । येँय् थ्व स्वयाः न्ह्यः नं दर्जनौं गोलीकाण्डया घटनात जूगु दु । तर, उगु हे हुनिं प्रहरी प्रमुखदथुइ कार्बाही जूगु थ्व हे न्हापांगु खुसिइ खः ।

थ्वहे दथुइ महानगरीय प्रहरी अपराध महाशाखां थःगु सुरक्षा रणनीति नं हिलीगु जूगु दु । महाशाखां आः येँय् नं इन्काउन्टर (ज्वनेगु मखु तप्यंक हे गोलीं कयेकेगु) रणनीति क्वःछीत महाशाखा प्रमुख एसएसपी देवेन्द्र सुवेदीं जानकारी ब्यूगु खः ।