बुद्ध एअरया विमान यलय् दुर्घटना, १९ म्ह यात्रुत सकलें मन्त
त्रिभुवन विमानस्थलं सुथय् ७ बजे माउन्टेन फ्लाइटया लागि ब्वःगु बुद्ध एअरया हवाइजहाज लिहां वयेगु झ्वलय् यलया विशङ्खुनारायण गाविस व लामाटार गाविसया सीमा कोटडाँडाय् दुर्घटनाग्रस्त जूगु दु । दुर्घटनाय् लानाः १९ म्ह सकलें यात्रुत मन्त ।
जहाजय् १४ म्ह भारतिय, २ म्ह नेपाली व क्याप्टेन केबी ताम्राकारसहित स्वम्ह चालक दलया सदस्य सहित १९ म्ह यात्रु दुगु धाःसां विस्तृत वितरण वये ल्यं दनि । हवाइ जहाज लाँकुरी भञ्ज्याङ थ्यंकाः सम्पर्कविहीन जूगु खः ।
