प्रधानमन्त्री डा. भट्टराईं संयुक्त राष्ट्र संघया महासभायात सम्बोधन
प्रधानमन्त्री डा. बाबुराम भट्टराईं अन्तराष्ट्रिय समुदायलिसे शान्ति व संविधान दयेकेगु प्रकृयायात निष्कर्षय् थ्यंकेगु प्रतिबद्धता प्वंकादिल ।
शनिवाः संयुक्त राष्ट्र संघया ख्वीखुक्वःगु महासभायात सम्बोधन यानादिसें प्रधानमन्त्री डा. भट्टराईं थःगु नेतृत्वया सरकार शान्ति व संविधान दयेकेगु ज्या निष्कर्षय् थ्यंकूसें नेपालय् दयाच्वंगु संक्रमणकाल पूवंकेगु नं प्रतिबद्धता प्वंकादीगु खः । फुक्क राजनीतिक दलतय्गु सहमतिया लिधंसाय् उगु ज्या पूवनीगु प्रधानमन्त्री डा. भट्टराईया धापू खः ।
अथेहे नेपाःया शान्ति प्रकृयाय् संयुक्त राष्ट्र संघं म्हितूगु भुमिकायात च्वछायादिसें शान्ति व संविधान दयेकेगु प्रकृयाय् अन्तराष्ट्रिय समुदायया ग्वाहालि व सद्भाव दइगु विश्वास नं प्वंकादिल । नापं नेपालय् न्ह्यानाच्वंगु शान्ति प्रकृया मौलिक जूगु खँ न्ह्यथनादिसें थ्व हिलंया नितिं उदाहरण जुइगु नं धयादिल ।
सम्बोधनया झ्वलय् प्रधानमन्त्री डा. भट्टराईं लुम्बिनीया विकासय् ग्वाहालि यायेत नं अन्तराष्ट्रिय समुदाययात आह्वान यानादीगु खः ।
