ज्यापु महागुथिया निक्वःगु तःमुंज्या तोखां तप्यकं प्रसारण
ज्यापु महागुथिया ग्वसालय् निक्वःगु तःमुँज्या स्वनिगःया तोखाय् आः न्ह्यानाच्वंगु दु । थुगु ज्याझ्वःया लाइभ भिडियो प्रसारण नेपालमण्डल डट कमपाखें आः जुयाच्वंगु दु ।
लुमंकेबहःजू, नेवा: समुदाय दुनेया ज्यापु जाति नेपा:या हे मू आदिवासी ख: । सामान्य अनुमानकथं कूल नेवा: जनसंख्या मध्ये ज्यापुत ६० प्रतिशत दु । ज्यापुतय्गु राष्टि्रय संगठनया रुपय् ने.सं. १११३ (२०५०) स थुगु ज्यापु महागुथि नीस्वनात:गु ख: । थुगु महागुथिया यल (ललितपुर) जिल्ला, येँ (काठमाडौं) महानगर, किपू (किर्तीपुर) नगर, फम्पि (फर्पिङ), मकवानपुर जिल्ला, येँया पश्चिम व उत्तर याना: ७ गू क्षेत्रीय महागुथित दु । थुगु महागुथिइ न्यय्द्व: कि्रयाशील दुज:त दु ।
लाइभ भिडियो स्वयादीत क्वय्या प्लेयर चायेका दिसँ ।
Streaming Live by Ustream
News Location:
