चर्चय् जूगु बम आक्रमणया सन्देश

यलया एजम्पसन चर्चय् म्हीग सुथय् जूगु बम आक्रमणं देशय् आः हानं मेगु कथंया द्वन्द्वया लुखा चालेत्यंगु ग्यानापुगु खँया संकेत बिउगु दु । सदां थें शनिवाः सुथय् प्रार्थना जुयाच्वंगु उगु क्याथोलिक चर्चय् जूगु थ्व आक्रमणं देशय् पलिस्था जूगु गणतन्त्र धर्म निरपेक्षता आदि थेंज्याःगु प्रणालीयात विफल यायेगु लािगं मनूत परिचालन जुइधुंकल धइगु खँया दसि नं न्ह्यब्वःगु दु । निम्ह मनू सीगु व िझंनिम्ह घाःपाः जुइक जूगु आक्रमणया स्वरुप उलि तःधं मजूसां थुकिया प्रकृतिया ल्याखं धायेगु खःसा थ्व नेपालय् आः तक जूगु फुक्क हे बम काण्डत मध्यय् दकलय् गम्भीर प्रकृतिया प्रहार खः । चर्चय् जूगु थ्व प्रहारपाखें देशय् धार्मिक दंगा ब्वलंकीगु उतिकं हे तःधंगु खतरा दु । धार्मिक दंगा गुलि ग्यानापु धइगु खँ झीसं मेमेगु देय्या दसु जक स्वयाः नं सीका कायेफु ।

इसाई समुदाय नेपाःया चीधंगु समुदाय खः । तर अन्तर्राष्ट्रिय रुपं स्वत धाःसा थ्व विश्वया हे दकलय् शक्तिशाली धार्मिक समुदाय खः । नेपाःयात आर्थिक ग्वाहालि बियाच्वंिपं अधिकांश देय् इसाई धर्मावलम्बी खः । उमिसं नेपाःयात छुं नं कथंया ग्वाहालि बी न्ह्यः नेपाःया इसाईत सुरक्षित जुइमाः धकाः चिउताः प्वंकीगु स्वाभाविक दु । थ्व सत्य खः कि नेपालय् इसाई जुईपं मनूतय् ल्याः धमाधम अप्वया वनाच्वंगु दु । तर उकी इसाई समुदायया दोष मदु । थ्व ला नेपाःया हे सदियौं पुलांगु रुढीगत बिचाः थीत्यःमत्यः प्रथा तःधंचीधं धकाः याइगु अपमान आदि थेंज्याःगु चलनया लिच्वः खः । थुकी सुनां नं इष्र्या यानां मजिउ । उिकं थ्व आक्रमण न्ह्याम्हेस्यां याःगु थजुइमा उमित नियन्त्रण यायेगु ज्याय् राज्यं छफुति हे लिबाके मजिउ ।

More Stories Like this