संचारमन्त्री गुप्ताया हाथ्याः
सूचना लिसे संचारमन्त्री जयप्रकाश प्रसाद गुप्तां प्यंगू बुँदाया सम्झौतायात राष्ट्रघाती मजूगु दाबी यानादीगु दु ।
विहिवाः येँय् ग्वसाः ग्वःगु ज्याझोलय् मन्त्री गुप्तां प्यंगू बुँदाया सम्झौता राष्ट्रघाती जूगु प्रमाणित यानाः क्यनेत कांग्रेस, एमाले व माओवादीया बैद्य पुचःयात हाथ्याः नापं बियादीगु खः ।
मन्त्री गुप्तां देय्या बच्छि जनसंख्या दुगु मधेशयात अपहेलित यायेगु ज्यां देय् नापं राष्ट्रियतायात बांमलाकीगु ख्याच्वः नापं बियादीगु दु ।
सरकार निर्माण न्ह्यः कांग्रेस व एमालें नं प्यंगू बुँदाया प्रस्तावय् समर्थन याःगु दाबी यानादिसें गुप्तां सरकारया नेतृत्व यायेमखंगु व सरकार पिने च्वनेमाःगु दुःखया रुपय् राष्ट्रघाट व सिक्किमीकरण थेंज्याःगु द्वपं बियाच्वंगु धयादिल ।
प्यंगू बुँदाया सहमतियात माओवादीया पदाधिकारी मुँज्यां अनुमोदन याःगु व थ्व इलय् विरोध याःम्ह न्वकु मोहन बैद्य व मू छ्यांजे रामबहादुर थापा बादलया ब्वतिइ ल्हाःिचं जूगु धयादिसें माओवादीं पार्टीदुनेया कचवंयात ब्यवस्थित यायेमफयाः प्यंगू बुँदयायात कयाः गम्भिर कथंया द्वपं बिउगु ज्या जूगु नं दाबी यानादीगु दु ।
वय्कलं कांग्रेस व एमालें नं प्यंगू बुँदा स्वीकार याःगु दाबी यानादिसें शान्ति प्रकि्रया कांग्रेस व एमालेपाखें पूमवनीगु जूगुलिं थःपिंसं माओवादीयात समर्थन यानागु धयादीगु दु ।
