चित्तधरया सच्छिदँ बुदिं हन
येँ (सन्ध्या टाइम्स) / झी कवि चित्तधर ुहृदयुया सछि व स्वदँ बुदिं ङत तुलाधर समितिया ग्वसालय् हन । ङत तुलाधर समितिया संस्थापकया ल्याखं कवि चित्तधर 'हृदय'यात हनेज्या याःगु खः । समितिया अध्यक्ष सागरमान तुलाधरया सभापतित्वय् उगु ज्याझ्वः जूगु खः । ज्याझ्वलय् समितिया सल्लाहकार व 'सुगत सौरभ' महाकाब्ययात अंग्रेजीं अनुवाद यानादीम्ह अनुवादक सुवर्णमान तुलाधरजुं कविकेशरी चित्तधर हृदयजुं च्वयादीगु 'सुगत सौरभ', 'मिं मनः पौ' व कवियात यःगु 'झी मचा' सफूया बारे कुलादीगु खः । कवि ह्दयं थःगु कृति मध्यय् ुसुगत सौरभुयात थः कायमचा व 'मिं मनः पौ'यात म्ह्याय्मचा कथं भाःपियातःगु दु ।
ज्याझ्वलय् ङत तुलाधर समिति व ङत तुलाधर मिसा जः सहभागी जूगु खः ।
