प्रहरी सरुवा बढुवा यायेत प्रहरी सेवा आयोग नीस्वनीगु
गृहमन्त्री विजयकुमार गच्छदारं याकन हे प्रहरी सेवा आयोग नीस्वनेगु खँ धयादीगु दु । येँया नक्सालसं च्वंगु प्रहरी मू ज्याकूया मंगलवाः निरीक्षण यायेधुंकाः वय्कलं सरुवा बढुवाय् जुइगु यानाच्वंगु राजनीतिक दवाब क्वचायेकेत याकनं हे प्रहरी सेवा आयोग नीस्वनेगु धयादीगु खः ।
प्रहरी उच्च अधिकारीया कथं गृहमन्त्री गच्छदारं अनावश्यक रुपय् थःम्हं प्रहरीया सरुवा बढुवा मयायेगु धयादिल । वय्कलं प्रहरीयात आत्मविश्वासया साथ शान्ति सुरक्षाय् न्ह्यःज्यायेत नापं निर्देशन बियादिल ।
प्रहरी युनिटया अवलोकनया झ्वलय् वय्कलं प्रहरीया उच्च अधिकारीतपाखें देय्या सुरक्षा अवस्थाया बारे जानकारी याकादीगु खः ।
