आर्थिक क्षेत्रया पुनःर्निर्माण ज्या न्ह्यात
वीरगंज (सन्ध्या टाइम्स) / सरकारया स्वामित्वय् दुगु ताः ई न्ह्यःनिसें स्थगित जुयाच्वंगु विशेष आर्थिक क्षेत्रया पुनःर्निर्माणया ज्या हाकनं न्ह्याःगु
दु । बारा सिमरा डुमरवानाय् करीब ८३३ विघा जग्गाय् विशेष आर्थिक क्षेत्रया निर्माण ज्या न्ह्याःगु खः ।
स्थानीय वासिन्दाया अवरोधया कारणं निर्माण ज्या ताः ई न्ह्यः निसें दिनाच्वंगु खःसा आः वयाः उगु निर्माणया ज्या क्वचालकि स्थानीय वासिन्दायात प्राथमिकता बियाः खन संचालन जुइगु उद्योगय् रोजगार बीगु खँय् सरकार सहमत जुइवं निर्माण हाकनं न्ह्याःगु खः ।
उगु विशेष आर्थिक क्षेत्र निर्माण लिपा ११३ गू तःधंगु व मध्यम उद्योग संचालनय् हये फइगु खँ सरकारी अधिकारीतय्सं धाःगु दु ।
