देशय् हाकनं लूट व भ्रष्टाचार ब्वलनी : प्रचण्ड
यें (सन्ध्या टाइम्स) / निवर्तमान प्रधानमन्त्री पुष्पकमल दाहालं राष्ट्रिय सहमतिया िनंितं माओवादी तयार दुगु खँ धयादीगु दु ।
नेपाल राष्ट्रिय व्यापार संगठनया न्हापांगु राष्ट्रिय महाधिवेशनया उलेज्याझ्वलय् न्ववासें वय्कलं आर्थिक विदेश नीति राजनीतिक लोकतान्त्रिक गणतन्त्रया विषयस व्यापक बहस जुइधुंकाः सरकार असफल याःगु द्वपं नं बियादीगु दु ।
आः गठन जूगु सरकार प्रतिक्रान्तिकारी जूगु द्वपं बियादीम्ह वय्कलं देशय् हाकनं लुट व भ्रष्टचार अप्वयेत्यंगु दु धयादिसें थःगु नेतृत्वय् दुगु सरकारं नेतृत्व यानाच्वंगु इलय् डा। बाबुराम भट्टराई तसकं दुःख याना मुंकूगु अर्बौं ध्यबा दुरुपयोगु जकं जुइगु खःला धइगु खँय् थःिपंत आः चिउताः ब्वलनाच्वंगु नं धयादिल ।
ज्याझ्वलय् माओवादी नेता डा भट्टराईं निजी ख्यःयात अंकुश तयेगु थःपिनिगु गुगु नं कथंया योजना मदुगु धयादिसें दलाल पूँजीपतितपाखें धाःसा सतर्क जुयाच्वने माःगु खँ धयादीगु दु ।
वय्कलं उद्योग वाणिज्य महासंघयात हे सा´ संगठन नाला न्ह्याः वनेत नं व्यापारीतय्त इनाप यानादिल ।
