प्रधानमन्त्री भट्टराई अमेरिका प्रस्थान
प्रधानमन्त्री डा. बाबुराम भट्टराई संयुक्त राष्ट्र संघया खुइखुक्वःगु महासभाय् ब्वति कायेत आइतवाः बहनी अमेरिका वंगु दु । झिंस्वम्ह दुजः दुगु प्रतिनिधिमण्डलया नेतृत्व यानादिसें कतार एअरवेजपाखें प्रधानमन्त्री भट्टराई बहनीया ११:३० बजे न्यूयोर्क वंगु खः । भ्रमण दलय् प्रधामन्त्रीया जहान हिसिला यमि, निजी छ्याञ्जे गंगा श्रेष्ठ, उपप्रधान लिसे परराष्ट्रमन्त्री नारायणकाजी श्रेष्ठ 'प्रकाश', परराष्ट्र सचिव, स्वास्थ्य सचिव लगायत झिंस्वम्ह दुजः दुगु खः ।
विकासशील देय्तय्गु नायःया हैसियतं सभाय् न्वंवायेत न्युयोर्क झाम्ह भट्टराई गुन्हुतक्क अमेरिकाय् च्वनीगु जूगु दु । भट्टराईं २४ तारिखय् महासभाय् सम्बोधन यानादीगु ज्याझ्वः दु । सम्बोधनया झ्वलय् वय्कलं सहर्साब्दी लक्ष्य, जलवायु परिवर्तन, शान्ति व तसकं म्हो विकसित राष्ट्रया बारे चर्चा जुइगु परराष्ट्र स्रोतं धाःगु दु ।
