संवैधानिक निकायलय् नियुक्ति यायेगु कार्यविधि पारित
आः पदाधिकारी नियुक्ति प्रतिस्प्रधापाखें याइगु
संवैधानिक परिषदं संवैधानिक निकायलय् पदाधिकारी नियुक्तिया निंतिं कार्यविधि पारित याःगु दु । थुगु कार्यविधि पारित जुइवं आः न्हापा लिपा थें राजनीतिक नियुक्ति मजुसें प्रतिस्प्रधापाखें पदाधिकारी नियुक्ति याइगु जूगु दु ।
संवैधानिक परिषदया शुक्रवाः सिंहदरवारय् च्वंगु मुँज्यां योग्यताया आधारय् पदाधिकारी नियुक्ति यायेगु लागिं कार्यविधि पारित याःगु खः । कार्यविधि कथं योग्यता व क्षमताया आधारय् छुं दिं दुने हे पदाधिकारी ल्ययेत ३५न्हुया सार्वजनिक सूचं जारी याइ ।
ताः ई न्ह्यः निसें दलत दथुइ भागबण्डा मिले मजुइवं अख्तियार दुरुपयोग अनुसन्धान आयोग, निर्वाचन आयोग, लोकसेवा आयोग व महालेखा परीक्षाया ज्याकू प्रमुखबिहीन अवस्थाय् लानाच्वंगु दु ।
अथेहे मुँज्याय् प्रधानमन्त्री डा. बाबुराम भट्टराईं संवैधानिक परिषदय् उपप्रधान नापं गृहमन्त्री विजयकुमार गच्छदार, ऊर्जा मन्त्री पोष्टबहादुर बोगटी व सूचना तथा संचार मन्त्री जयप्रकाश प्रसाद गुप्तायात मनोनीत यानादिल ।
News Location:
