संसदीय निर्वाचन लिपाः जक थ्व सरकारं बिदा काइ : प्रधानमन्त्री
प्रधानमन्त्री माधवकुमार नेपालं थ्व सरकारं थःगु कार्यकाल पुवंकाः संसदीय निर्वाचन याकाः जक बिद काइगु खँ धयादीगु दु ।
प्रधामन्त्रीया सपथ ग्रहण लिपाः सचिवतय्त निर्देशन बीगु झ्वलय् वयेकलं सुनां नं थ्व सरकार क्वथलिगु म्हगसः मखंकेत इनाप यानादिल । थ्व सरकार छुं लाः दुने हे क्वदलीगु धकाः जुयाच्वंगु हल्लाया बारे वयेकलं थ्व सरकारं संसदीय निर्वाचन याकाः जक बिदा जुइ धयादिल । वयेकलं थ्व सरकारं संविधान निर्माण व शान्ति प्रकृयायात तार्किक निष्कर्ष थ्यंका मेगु संसदीय निर्वाचन याकीगु खँ धयादिल ।
सचिवतय्त निर्देन बीगु झ्वलय् प्रधानमन्त्री नेपालं सरकारं कर्मचारीतय् ज्याया आधारय् मुल्याङकन याइगु धासें दक्व कर्मचारीतय्त ढुक्क जुया ज्या यायेत इनाप यानादिल । अथेहे वयेकलं दलतय् मंकाः न्यूनतम ज्याझ्वया आधारय् न्हूगु बजेट तयार याइगुलिं दक्वसित ग्वहालि यायेत इनाप यानादिल ।
