प्यंगू बुँदाया विशेष राजनीतिक प्रस्ताव पारित
नेकपा एमालें प्यंगू बुँदाया विशेष राजनीतिक प्रस्ताव पारित याःगु दु ।
पार्टीया केन्द्रीय ज्याकुथि बल्खुइ बुधवाः च्वंगु केन्द्रीय कमितिया मुँज्यां नेतातय्सं तयादीगु माःगु सुझावयात कयेच्यानाः मू छ्यांजे इश्वर पोखरेलं पार्टी सचिवालयया पाखें न्ह्यब्वयादीगु विशेष राजनीतिक प्रस्ताव पारित जूगु दु ।
प्यंगू बुँदाया प्रस्तावय् एकीकृत नेकपा माओवादी व मधेसी मोर्चा दथुइ जूगु प्यंगू बुँदाया सहमति आपत्तिजनक जूगु धाःसें माग याःगु खँ धाःसा खारेज याःगु दु ।
अथेहे प्यंगू बुँदाया सहमतिया लिधंसाय् दयेकूगु वर्तमान सरकारं शान्ति व संविधान दयेकेगु खँय् आशंका याःगु दु । शान्ति प्रकृया पूमवंकं संविधान दयेकेमफइगु खँ न्ह्यथसें प्रस्तावय् माओवादी व प्रधानमन्त्री अझ क्वमीलु जुइमाःगु खँ न्ह्यथनातःगु दु । मुँज्या कन्हय् हाकनं च्वनीगु जूगु दु ।
